兴宁情歌 （9）

tiandao

兴宁情歌

（9）失恋自慰
你唔连涯有人连，
深山树木有藤缠，
黄蜂吾曾种花树，
满山都系拒花园。
河唇洗衫石上踞，
无你番枧洗茶枯，
先日无你也爱过，
沙煲装酒唔在壶。
连你唔到心唔焦，
你也唔使柬精刁，
门前种有檀香树，
唔使求你做香包。
无你石炭会烧柴，
无你渡船会搭排，
阿哥种有梧桐树，
自有凤凰会飞来。
连你唔到无相干，
柬好老酒也会酸，
柬好红花也会谢，
柬好人情也会断。
连你唔到无相干，
你比棉被无过暖，
你也唔系白米饭，
唔使求你过三餐。
你系唔肯唔求你，
到处山岗有草皮，
手捉黄鳝砧上剐，
割断肚肠丢撇拒。
你系爱断尽管断，
无情阿哥无相干，
阿妹好比大河水，
无你圳水唔怕旱。

作者：涛涛

编者：天道